மனதின்ஓசை

அம்மா

2011-10-09T00:02:00.000-07:00

காலை 5 மணிக்கு எழுந்தும் குளித்து,காலை சமையல்,மதிய சமையல் முடித்து,கணவரை எழுப்பி அவருக்கு 'காபி' கொடுத்து,குளிக்க வெந்ர் வைத்துக் கொடுத்து,குழந்தையை எழுப்பி அவனை குளிக்க வைத்து,சாப்பாடு ஊட்டி விட்டு,பள்ளி சீருடை மாட்டி,கணவருக்கு உணவு பரிமாறி,மூவருக்கும் மதிய உணவு எடுத்து வைப்பதர்க்குள் மணி 8.30 தாண்டிவிட்டது.

அலுவலக வேலையால் சோர்ந்திருந்த கணவரின் அலுப்பையும்,கோபத்தையும் வெளிக்காட்ட ஏதுவாய் அவரின் அலுவலக கோப்பு காணாமல் போக ஒட்டு மொத்த கோபத்தயும் ஆத்திரத்தயும் என் மேல் கொட்டித் தீர்த்து விட்டுச் சென்றார். பொங்கி வந்த அலுகையை அடக்கியது அந்த தொலைபேசி சத்தம். குழந்தையின் பள்ளியிலிருந்து வந்திருந்தது அந்த அழைப்பு. பள்ளி வாகனம் இன்று வராது என்பது தகவல். தலையே சுற்றிக் கொண்டு வந்தது. குழந்தையை அழைத்துக் கொண்டு ஆட்டோவில் பள்ளிக்கு சென்றேன். அங்கிருந்தே நேராக என் அலுவலகத்திற்குச் சென்றேன்.

எத்தனை வேகமாகச் சென்றும் பலனில்லை. அறை மணி நேரம் தாமதமாகி இருந்தது. என் வருகைக்காய் காத்திருந்தார் மேல் அதிகாரி. எனது எந்த விளக்கத்தயும் கேட்க அவர் தயாராக இல்லை. இந்த மாதத்தில் இது மூன்றாவது வருகைத் தாமதம். சம்பளப் பிடிப்புடன் கூடிய விடுப்புக் கடிதத்தில் கையெழுத்து வாங்கப் பட்டது. மனச் சோர்வுடன் அங்கிருந்து வெளியேறினேன். தலை வலியும் மன அழுத்தமும் அதிகமாக தெரிந்தது.காலாற நடக்கத் தொடங்கினேன்.

திடீரென அம்மாவின் நினைவு வந்தது. பள்ளியில் படிக்கும் காலம் முழுவதும் என் எல்லா வேலைகளையும் அம்மா தான் செய்வாள். தலை துவட்டி,தலை வாறி,உணவு பரிமாறி,தினமும் வாசல் வரை வந்து கையசைத்து வழியனுப்புவாள்.அவற்றை எல்லாம் நான் ஒரு நாள் கூட பெரிதாக எடுத்துக் கொண்டதில்லை. அவை எல்லாம் ஒரு அம்மாவின் கடமைகள் என பல முறை வாதாடியதும் உண்டு.

இன்னும் அந்த நாள் என் நினைவில் இருக்கிறது.என் 16வது பிறந்த நாள். எனக்குப் பிடித்தமான உணவுகளை செய்திருந்த அவர்,என் நெற்றியில் முத்தமிட்டு என்னை வாழ்த்துவதற்காய் எழுப்பினாள். உயிர் தோழியின் வாழ்த்துக்காய் காத்திருந்த நான்,உறக்கத்திலிருந்து எழுந்தும் உறங்குவது போலவே படுத்திருந்தேன். நெடு நேரம் காத்திருந்த அம்மா பின் என்ன நினைத்தாளோ, பிறந்த நாள் பரிசை மேசையில் வைத்து விட்டு சென்று விட்டாள். என் பிறந்த நாளை மறந்திருந்த தோழியோ அன்று முழுவதும் வாழ்த்தாமல் போகவே இரவு அம்மா மடியில் படுத்து அழுதேன்.என்னை பக்குவமாய் சமாதானப் படுத்தினாள் அம்மா.

உள்ளூர் பள்ளிப் படிப்பு முடிந்து நான் மதுரையில் கல்லூரி விடுதியில் தங்கிப் படிக்க நேர்ந்த போது ஒரு நாள் கூட தவறாமல் தொலைபேசியில் அழைப்பாள். நான் அதனை அவமதித்த நாட்களும் உண்டு. அம்மாவுக்கு மிகவும் பிடித்த மதுரை மல்லிகை வாங்கி வரும் படி பல முறை சொல்லியும் அந்த மூன்று வருடத்தில் நான் ஒரு முறை கூட வாங்கிச் சென்றதில்லை. அதற்காக அவள் என்னை கடிந்து கொண்டதும் இல்லை.

அகாலமாய் அப்பா மாரடைப்பில் இறந்து விட உடைந்து போனாள் அம்மா. பின்னர் அப்பாவின் பொறுப்பையும் அம்மாவே செய்ய வேண்டி இருந்தது. தைரியமும், தன்னம்பிக்கையும் ஊட்டி வளர்த்து எனக்கு திருமணமும் செய்து வைத்தார். இத்தனை செய்த அம்மாவுக்கு இது வரை என்ன செய்திருக்கிறோம் என மனம் வெட்கிக் கூசியது. அவள் பிறந்த நாள் கூட எனக்குத் தெரியாதே.

இன்று அம்மாவுக்குப் பிடித்தமான மல்லிகை பூ வாங்கிச் செல்ல வேண்டும் என்று உறுதி செய்து கொண்டு கடைக்குச் சென்றேன். ஓரு முழம் மல்லிப் பூவுடன்,அம்மாவுக்குப் பிடித்த ஒன்றை முதல் முறையாக செய்யும் சந்தோசத்துடனும் வீட்டிற்குச் சென்றேன். கையில் இருந்த மல்லிகை பூவை சுவரில் மாட்டியிருந்த அம்மாவின் படத்துக்கு சூட்டி விட்டுத் திரும்பினேன்.

முதல் பார்வை

2009-12-23T04:41:00.000-08:00

எத்தனையோ அகராதிகளை புரட்டி விட்டேன்

இன்னும் அர்த்தம் கிடைக்கவில்லை

நீ வீசி சென்ற முதல் பார்வைக்கு

பதில் என்ன?

2008-11-10T05:26:00.000-08:00

அணைத்துப் பேசிய உன்

அருகாமைகளின் அர்த்தம் என்ன?

மோகத்தில் நீ கொடுத்த

முத்தங்களின் மொழி என்ன?

ஏக்கத்துடன் நீ பார்த்த

பார்வைகளின் பொருள் என்ன?

காதலில் நீ கொடித்த

கனவுகளின் கதி என்ன?

காதல் தேர்வில்

விடையேதும் தெரியா மாணவி நான்..

சொல்லிவிட்டுப் போயேன்

கைவிட்டுச் சென்ற காரணத்தையாவது..

காதல் அழிவதில்லை

2008-11-09T21:05:00.000-08:00

அவளுக்கு ஒன்றும் ஓடவில்லை . உடல் நடுங்கியது. வியர்த்துக் கொட்டியது .

"நான் சொன்ன வேலையை செய்யலைனா என் வார்த்தைக்கு மரியாதை இல்லைன்னு அர்த்தம். என் வார்த்தைக்கு மரியாதை இல்லேன்னா எனக்கும் மரியாதை இருக்காது. மரியாதை இல்லாத இடத்துல நான் இருக்க மாட்டேன் ." அருண் பேசிவிட்டு வெளியே சென்று விட்டான். அவன் பேசிய வார்த்தைகள் அவள் மனதில் மீண்டும் மீண்டும் எதிரொலித்தது.

மீனு வீட்டை எதிர்த்து அருணை காதலித்து கரம் பிடித்து இப்போது அமெரிக்கா வந்து கிட்ட தட்ட ஏழு மாதங்கள் இருக்கும்.

இந்த ஏழு மாதங்களில் காதல் கசந்து விட்டதா ? மீனு குழம்பினாள்.

அருண் வரும் நேரம் ஆனது. தினமும் மாலை இருவரும் வெளியே நடந்து செல்வது வழக்கம். மீனு கிளம்பி இருந்தாள்.

அருண் அலுவலகம் முடிந்து வந்தான். மீனு காபி டம்ளரை கொண்டு வந்து அருணிடம் நீட்டினாள். அவனும் வாங்கிக் கொண்டான்.

மௌனம் நீடித்தது.

வெளியே கிளம்பினர். இருவரும் பேசிக்கொள்ளவில்லை.

அது ஒரு அழகிய இடம். நீண்ட குறுகிய சாலையின் இரு பக்கங்களிலும் பசுமையான மரங்கள். லேசாக மழை தூறியது. மீனு இயற்கையின் அழகை ரசிப்பவள். அதை கண்டு வியப்பவள்.

ஆனால் இன்று அவளால் ரசிக்க முடியவில்லை. அவள் மனம் கனத்திருந்தது. அருண் ஒரு வார்த்தை பேச மாட்டனா என மனம் துடித்தது.

மெதுவாக அவன் கையை பற்றினாள். அருண் முகத்தில் எவ்வித சலனமும் தெரியவில்லை.

ஆனால் அவன் மனதில் ஒரு ரசாயன மாற்றமே நடந்தது. குற்ற உணர்ச்சி அவனை குறுகச் செய்தது. வீட்டை எதிர்த்து தன்னையே நம்பி வந்தவளிடம் தான் அவ்வாறு நடந்திருக்கக் கூடாது என வருந்தினான். இருந்தாலும் அவனின் ஆண் மனம் அவனை பேச அனுமதிக்கவில்லை .

மீனு மெதுவாக அவன் தோளில் சாய்ந்தாள். அந்த கணத்தில் அவன் முழுவதுமாக உருகிப்போனான்.

மீனுவின் கையிலிருந்து தன் கையை விடுவித்து அவள் தோளில் வைத்தான்

"மீனு பேபி சாரி டா... நான் அப்படி பேசியிருக்க கூடாது. கோபத்துல பேசிட்டேன். சாரி மா.... ஐ லவ் யூ சோ மச்..." அவள் முகம் பார்க்கவே அருணுக்கு வெட்கமாக இருந்தது.

"பரவாயில்லை அருண்.... என் மேல் கோபப்படுற முழு உரிமையும் உங்களுக்கு இருக்கு. "-மீனு.

இருவரும் சந்தோசமாக பயணத்தை தொடர்ந்தனர்.

ம‌ற‌ப்ப‌தும் ம‌றுப்ப‌தும்

2008-11-09T05:09:00.000-08:00

உன் மெல்லிய விரல்களின்

முதல் தீண்டல்...

ஆசையாய் நீ கொடுத்த

அன்பு முத்தம்...

அடை மழைக் குளிரிலும்

அனலாய் உன் மூச்சுக் காற்று...

இறுக்கி அணைத்துக் கொன்டு

நீ பாடிய காதல் கவிதை....

இன்னும் என் மனதில் அழுத்தமாய் இருக்க‌

இயல்பாய் சொல்கிறாய் "என்னை மறந்துவிடு" என்று...

இப்போது தான் புரிகிற‌து

ம‌ற‌ப்ப‌தும் ம‌றுப்ப‌தும் ஆண்க‌ளின் இய‌ல்பு தான் என்று....

காதல் முரண்பாடு

2008-11-08T06:44:00.000-08:00

ஏன் இந்த முரண்பாடு?

காயப்படுத்துவதும் நீ

காயத்திற்கு மருந்து போடுவதும் நீ

தற்கொலை

2008-11-07T22:35:00.000-08:00

நீ பறிக்காத

உன் தோட்டத்து பூக்கள் எல்லாம் தற்கொலை செய்து கொள்கின்றன..

உன் விரல் படவில்லை என்ற‌ ஏக்கத்தில்...

திருமணம்

2008-11-07T22:16:00.000-08:00

என் முகவரியை

உன்னுள்ளே தொலைத்து விட்டேன்

"திருமணம்"

கண்கள்

2008-11-07T22:10:00.000-08:00

வெண் மேகங்களின்

நடுவே கருப்பு நிலா

"அவள் கண்கள்"

கணவன்

2008-11-07T21:57:00.000-08:00

அத்தையின் கருவிலிருந்து

என் குழந்தை

கணவன்

கூந்தல்

2008-11-07T21:32:00.000-08:00

என்ன அதிசயம்

கருப்பு நிறத்தில் அருவி

"அவள் கூந்தல் !!! "

என்ன பேசலாம்?

2008-11-07T07:24:00.000-08:00

என்ன பேசலாம்?

நேற்றிரவு பார்த்த திரைப்படம்

புதிதாய் வாங்கிய பட்டுப்புடவை

காலையில் படித்த நாளிதழ் செய்தி

அடுத்தவாரம் போகவிருக்கும் சுற்றுலா...

அழைப்பின் காரணம் உன்

குரல் கேட்பதாய் மட்டும் இருந்தாலும்

இப்ப‌டி எதயாவ‌து யோசித்துக் கொண்டேன்

உன்னிட‌ம் பேச‌...

பத‌ற்ற‌ம்.... த‌ய‌க்க‌ம்... ப‌ய‌ம்...

எல்லாவ‌ற்றையும் க‌ட‌ந்து உன் எண்க‌ளை அழுத்த‌

ம‌றுமுனையில் உன் குர‌ல்

"தூங்கிட்டு இருக்கேன். அப்புற‌ம் பேசு"